القصة الكاملة لخناقة ياسمين الخطيب ومى حلمى..عيشي عيشة أهلك يا منفسنة

شنت المذيعة مي حلمي هجوما واسعا على المذيعة ياسمين الخطيب، وذلك بسبب ما كتبته الأخيرة عن ياسمين عز مقدمة برنامج “كلام الناس” على قناة MBC مصر, حيث انتقدت الخطيب حديث ياسمين عز عن طريقة التعامل بين الرجل والمرأة، وأهمية سماح الزوجة لزوجها بالسي على سجاد المنزل بحذائه ومنحه قطعة أكبر من الدجاج.

فقامت مي حلمي بنشر كلام ياسمين الخطيب، عبر حسابها على موقع التواصل الاجتماعي Facebook وكتبت : ” ماعنديش أدنى شك غير الي تقول كده علي زميلتها واحده منفسنه عليها مش أكتر, ما البرامج كتير والهبد كتير، اقلبي يا حببتي واتفرجي علي رضوى الشربيني مدام ياسمين مش عجباكي، ولا ياسمين عز وجعاكم؟”.

وتابعت مي حلمي: “ماتتفرجوا علي بقيت البرامج، إزاي تحاربي ست زيك ولا عشان إنتي قاعده وهي بتشتغل؟ فالهريه والنكته شغاله عليها, هي حرة في رأيها، يدوس علي السجادة يدوس علي وشها هي حرة، وكل واحدة حرة تعامل جوزها إزاي، ولو بتنصحهم يبقوا كويسين مع إجوازتهم دي حاجة حلوة مش وحشة, أنا عن نفسي بحب ياسمين، وليه نكسر في واحدة نجحت انضفو بقي وخليكي منك ليها في نفسك، إعرفوا انجحوا الأول وأبقوا اتكلموا علي غيركم”.

وتابعت مي حلمي هجومها قائلة: “وإيه الطريقة دي بتاعت يع وبلدي، إيه ياختي عيشي عيشه أهلك واحترمي زميلتك، ما أجرمتش، ولا لازم تطلع تقول إدي جوزك بالشبشب عشان تتبسطي، اه آسفه أصلها مسمعه فمزعله الفشلة, هتقولولي ناجحة في إيه ؟ اه ناجحة وبتتفرجوا عليها، ومدام بتتفرجو عليها وبتجيبو سيرتها تبقي ناجحة، واما تتكلم عليها واحدة بتحكها في المذيعات ومش عارفة، تبقي ياسمين نجحت, وريحي يابتاعت ال يع وريحي يا منفسنة منك ليها، يمكن لو خلتيه يمشي علي السجادة ماكنش طفش”.