سارة النخلة: محمد رمضان الأقرب لمواصفات فتى أحلامي عشان بعشق الغوامق

أثارت الفنانة سارة نخلة الجدل في الساعات الماضية، عقب تصريحاتها الأخيرة عن ارتباطها وزيجتها السابقة، خلال استضافتها ببرنامج “نص الكلام”، والذي تقدمه الإعلامية راغدة شلهوب على قناة النهار

وقالت سارة نخلة عن حقيقة ارتباطها: ارتبطت من 7 شهور بس مش هعرف حد هو مين، وصلت لمرحلة إن محدش ليه دعوة أنا مع مين، لكن حياتي الشخصية ملك لنفسي وتوبنا إلى الله، وهو من خارج الوسط الفني، وارتبطت المرة دي عن حب وعقل بنفس الوقت.

وبسؤالها عن الأقرب لمواصفات فتى أحلامها بين أمير كرارة، ومحمد رمضان، قالت: محمد رمضان الأقرب لمواصفات فتى أحلامي عشان بعشق الغوامق.

تصريحات سارة النخلة مع راغدة شلهوب

كشفت الفنانة سارة نخلة، طليقة الفنان أحمد عبد الله محمود، عن موقفها من الخيانة، وتصرف المرأة عند خيانة زوجها، قائلة: “اللي هتسامح مرة هتعيش عمرها كله بتسامح، وأنا مقتنعة تمامًا إننا قدام حاجتين، يا تواجهي وتسامحي، أو تمشي، ولو خانني أخونه، ولو هو في نزوة أنا كمان هبقى في نزوة”

وأوضحت سارة نخلة، رأيها في جنس الرجال قائلة خلال حلول ضيفة برنامج “نص الكلام”، الذي تقدمه الإعلامية راغدة شلهوب عبر فضائية “النهار”: “كل الرجالة خاينين، في واحد هيخون بعد شهر وواحد هيخون بعد عشر سنين، وأنا عارفة إني بعد كده أكيد هتخان، وعرفت إن اتخنت مرة واتوجعت ساعتها عشان الخيانة وحشة أوي بس، أنا بنسى لكن مش بسامح”.

تصريحات سارة النخلة عن رضوى الشربيني

وتطرقت للحديث عن رأيها في رضوي الشربيني فقالت سارة: “بحب رضوى جدًا وبحترمها على المستوى الشخصي، وبناتها قمة الأدب والإحترام، واحنا عند بعض عالفيس بوك، بس بتضايقني كلمة اختاروا صح، عشان بتكوني فاكرة نفسك اختارتي صح وبعد الجواز بيحصل حاجات غريبة، ورضوى بترفع سقف طموحات البنات، وعشان احنا كمجتمع عربي مبنعرفش نختار”.

وتحدثت سارة نخلة عن تصريحاتها بشأن قتل السارق السوري في منزل نانسي عجرم: كتبت البوست ده من 4 سنين أو 5 سنين، عشان استخدمنا مصطلح إن المجرم سوري، وساعتها كان تحليلي منطقي، وقولت إن الراجل ده اتقتل برا الفيلا و11 رصاصة معناها انتقام، ومتراجعتش عن التحليل ده لحد ما يثبتوا عكس ده.