صاحبتي لطشت جوزي مني.. رولين القاسم تثير الجدل على السوشيال ميديا مجددا

من جديد تثير الفنانة رولين القاسم جدلا على مواقع التواصل الاجتماعي بعد نشرها مقطع فيديو تحدثت خلاله بطريقة ساخرة كوميدية عن وصول أسعار الفيلات في قرية مراسي بمنطقة سيدي عبد الرحمن بالساحل الشمالي إلى مليون جنيه للفيلا الواحدة.

وقالت رولين القاسم في مقطع الفيديو الذي نشرته عبر صفحتها الرسمية على موقع «فيسبوك» بعنوان: «صاحبتي لطشت زوجي» رواية عن متابعة لها: «لطشت مني زوجي بعد عشرة دامت 20 سنة، صاحبتي الانتيم».

وردت عليها رولين القاسم، معلقة: «كنت متوقعة ايه، ما بتلطتش الزوج بعد السنين كدا، غير انتيمتك اللي انت نائمة شاربة معاكي في بيتكم، وحكيالها على كل تفاصيل حكايتك وخناقاتك وغلاسته وتقل دمه، وخيانته مرة وبخله ومامته وسفره، فحكايالها كل حاجة وباصه هي في طبقك».

وواصلت رولين القاسم في ردها على متابعتها: «علشان تكوني عارفة من الأول، ونصيحتي ليكم بقا صحبتك اللي زوجك يشفط كرشه قدامها دي ما تعرفهاش، وكأنها ما جتش في الكوكب، واحنا كستات فاهمين تلمحات بعض ونظراتنا، فلما تحسي كدا، حافظي على حياتك بكل حسم وخرجيها».

رولين القاسم: الصداقة بحدود
وأكدت رولين القاسم: «حافظ على بيتك وأسرارك وخلي الصدقاة تاخد اطار حلو ومحترم وفي حدود اللائق بعيدا عن أي اسرار، وذكر دواخل حياتك، لأنه ما فيش صاحب بيتصاحب، وهو في نفس الوقت هتأخد هي نفس الراجل بصفاته وطبائعه، وهو بس كان عاجبها وهو مش بتاعها، وشهر واتنين وبما إنها هتكون زوجة تانية أو في السر هتقوليله امن لي مستقبلي واعلن زواجنا فهيرفض دا ويزهقها».