ابنة شقيقة إلهام شاهين: مفيش حاجة اسمها سينما نظيفة.. وخالتي قدوتي

تعيش ابنة شقيقة الفنانة إلهام شاهين والتى تُسمى إلهام صفى الدين، حالة من السعادة فى الوقت الحالى، بعد نجاح فيلمها القصير “صاحبتى”، والذى كان أول فيلم مصرى قصير يُناقش بمهرجان “فينيسيا” السينمائى، حيث فاز بجائزة لجنة التحكيم بالقاهرة السينمائى، وحالياً يُنافس بمهرجان القاهرة.

وأكدت الفنانة الشابة، أثناء تصريحاتها مع fifaan.com للحديث عن نجاح فيلمها ومُستقبلها، حيث أنها لم تكن تتوقع هذا النجاح، وعلقت قائلة:ـ “بجد مش مصدقة إن كل ده حصل، وده عشان هو أول فيلم أعمله فى حياتى.. بس ثقة كوثر فيا وشغلى مع حد قريب منى زى مارك الحجار خلى الموضوع بسيط وسهل، وحقيقى مبسوطة بجائزة مهرجان القاهرة، وده علشان هى بلدى وناسها أهلى”.

وعبرت إلهام، عن امتنانها لخالتها الفنانة إلهام شاهين وقالت:ـ “تشجيعها ليا كان أجمل حاجة فى الدنيا، وهى فضلت فى ضهرى وبتساندنى فى كل حاجة بعملها، وبتدينى دفعة للأمام وبقولها ربنا يخليكى ليا ويبارك فيكى”.

وأكدت الفنانة الشابة، على أن خالتها قالت لها أثناء تكريمها فى “الروتارى”:ـ “أنا على ما إتكرمت أخدت وقت”، وقامت صفى الدين بالرد وقالت:ـ “مش هينفع أتفارن بيكى خالص، وده عشان هى قبل ما تكون خالتى فهى أُستاذة إلهام شاهين، ومش هينفع أتحط فى مُقارنة معاها، وبجد بتمنى إنها تكون فخورة بيا”.

وحينما تحدثت عن الجرأة الزائدة فى فيلمها، والتى عرضته للكثير من الجدل علقت قائلة:ـ “مفيش حاجة إسمها سينما نظيفة ومش نظيفة.. الفن نابع من الحقيقة اللى بيحصل فيها كل حاجة، وأنا سعيدة جداً باللى عملته، وأتمنى إنى أقدم أفكار ورسائل جديدة وتوصل إحساس، وده بجد حققناه فى فيلم (صاحبتى)”.