ياسمين عز: «الرجالة ربنا خلق صوتهم جذاب وخلاب»

ردت الإعلامية ياسمين عز، مقدمة برنامج كلام الناس، على سؤال إحدى المتابعات لها يقول: «ليه صوتك سهتان؟».

وقالت الإعلامية ياسمين عز، خلال تقديمها برنامج كلام الناس، المذاع على قناة mbc مصر، مساء الجمعة: «في أصوات شتوية وأصوات صيفية»، متابعة: «الصوت الشتوي بيكون زي صوتي كدا ناعم ودافي وسهتان شوية، ـما الاصوت الصيفية فيكون صوت عالي شوية وحاد ومش بيفصل».

وتابعت: «خامة الصوت الشتوي هو الأفضل، وأنا صوتي شتوي وخامته شتوية»، مضيفة: «أما بالنسبة للرجالة ربنا خلقهم صوتهم جذاب وخلاب».

ياسمين عز عن زوجة ميسي: «حتة نوتيلا عايشة لبيتها وزوجها وأولادها.. والكلام ليكي يا جارة»
علقت الإعلامية ياسمين عز، على تتويج ليونيل ميسي بكأس العالم 2022، قائلة: «أنا ربنا نصرني».

وأضافت الإعلامية ياسمين عز، خلال تقديمها برنامج «كلام الناس» المُذاع عبر فضائية «إم بي سي مصر»: «أوعوا تنكروا أنه في اللحظة اللي ميسي شال فيها كأس العالم افتكرتوني وافتكرتوا كلامي عن ميسي وزوجته».

وأشارت: «شوفتوا الاستقرار والجواز بيعمل ايه وبيوصل لفين الكلام ليكي يا جارة»، معقبة: «بيوصل لكأس العالم.. وشوفتوا الست أما تكون في ضهر زوجها وبتدعمه وبتدلعه وبتأخذ بالها منه وبتخليه أحسن حد في الدنيا بيبدع وبيطلع أحسن ما عنده».

أوضحت: «بحس أن مرات ميسي بتدخل عليه بحتتين كيك بالبرتقال وكوباية الشاي وأولادها ريحتهم بودرة أطفال عكس حبيبة رونالدو شاردة بره البيت ٢٤ ساعة”».

وأضافت ياسمين عز: «جورجينا بحسها من النوع اللي 24 ساعة شاردة بره البيت زي الغزال الشارد». وأشارت: «ممكن لو رونالدو قال لجورجينا عاوزين نتعشى مع بعض انهارده ممكن تقوله أنا عندي عرض أزياء»، متابعة: «بتلف 24 ساعة بره البيت».

وتابعت: «زوجة ميسي أنتونيلا روكوزو بحسها حتة نوتيلا عايشه لبيتها وزوجها وأولادها، وتحس أولادها نضاف دائما وشعرهم بيلمع وريحتهم نظافة، وبحس أنها زوجة صالحة، ملهاش في جو الشنط واليخوت ومش شاغلها غير رضا سي ليو جوزها».