ياسمين عز: «هناك إتيكيت في التعامل مع الزوج.. والراجل نعمة من ربنا»

شرحت الإعلامية ياسمين عز، مقدمة برنامج كلام الناس، ما يسمى بـ «إتيكيت التعامل مع الزوج».

وقالت عز، خلال تقديمها برنامج كلام الناس، المذاع على قناة mbc مصر، مساء الجمعة: «في حاجه اسمها اتيكيت التعامل مع الزوج»، متابعة: «الرجل نعمة من نعم ربنا مثل الأكل والشرب وهو أحسن، وهذه النعمة لها اتيكيت».

وتابعت عز: «لو بتتكمل مع صاحبتك أو مامتك أو اختك في البيت وجوزك دخل البيت، افقلي التليفون من غير ما يبصلك أو يرمش»، مضيفة: «لازم يحس أن دخوله للبيت ليه هيبه ووضع».

ياسمين عز للزوجة الثانية: «راعي ربنا في ضرتك»
خصصت الإعلامية ياسمين عز حلقة برنامجها «كلام الناس»، عن آداب تعامل الزوجة الثانية مع الزوجة الأولى.

ووجهت «عز»، نصيحة للزوجة الثانية قائلة: «أرجوكي بلاش تشوفي إنك أحسن من الزوجة الأولى في أي حاجة، لأي سبب».

وأضافت خلال برنامجها، الذي يعرض عبر قناة «إم بي سي مصر»، اليوم السبت: «على سبيل المثال، لو زوجته الأولى مش بتخلف، أوعي تفكري إنك أحسن منها، دي نعمة ربنا إدهالك فبلاش تفكري إنك أحسن منها».

وتابعت: «لو إنتي أصغر منها في السن، بلاش جو معاملة طنط، وتتعمدي تلعبي على الحكاية دي، لأن بكره هتكبري، وكلنا بنكبر، والله أعلم جوزك هيعمل معاكي إيه لما تكبري».

وأكملت «عز» «حاولي كزوجة تانية تراعي ربنا في ضرتك الزوجة الأولى عشان ربنا يكرمك، في مثل بيقول مركب الضراير سارت ومركب السلايف حارت».