الرئيسية / سياسة مصر والعالم / معركة الانتخابات الامريكيه .. امريكا تكشف عن وجهها الحقيقي

معركة الانتخابات الامريكيه .. امريكا تكشف عن وجهها الحقيقي

اكيد كلنا متابعين اللى بيحصل فى الانتخابات الامريكيه و معركة تكسير العظام اللى شغاله حاليا فى الولايات المتحده الامريكيه ..

لفت انتباهى بعض الملاحظات

اولا التغطيه الاعلاميه السيئه للغايه: امريكا قعدت سنين طويله بتحاول تصدر للعالم انها منارة الديموقراطيه و منبر للحياديه و المهنيه فى الاعلام .. لكن الحقيقه انهم اتكشفوا على حقيقتهم فى الفترة الاخيره .. الاعلام اصبح مٌتحزب و الشاشات و الصحف و المواقع اصبحت تميل و تدعم بكل وضوح لاحد المرشحين .. فى اعلام موالى و بيدعم بايدن واعلام اخر موالى وبيدعم ترامب و وصل بيها الامر انها تضلل الراى العام الامريكى من اجل مناصرة احد المرشحين ..

ثانيا العوار الواضح فى العمليه الانتخابيه نفسها : كنا فاكرين ان امريكا دى فى حتة تانيه خالص فيما يتعلق بالاجراءات التى تتم اثناء العمليه الانتخابيه .. انما اتضح ان عندهم نفس المشاكل اللى موجوده فى العالم التالت .. يعنى تزوير تلاقى .. توجيه للناخبين موجود.. حشد للاصوات شغال .. اصوات لناس اموات موجوده فى الصناديق .. مراقبين بيتمنعوا من دخول لجان الفرز .. بطاقات انتخابيه مش موجود عليها امضاء للناخب ..وصول صناديق للفرز يعد انتهاء معاد التصويت.. و ما خفى كان اعظم ..

اخر الاخبار ان لسه الفرز شغال و فى قضايا منظورة امام المحاكم .. و الموضوع مش هيعدى على الخير ..

طب حد يجى يسالنى .. احنا كمصر هل هيفرق معانا مين الشخص اللى هيجى رئيس لامريكا .. هجاوب عليك و هقولك ..جملة قالها الرئيس قبل كده فى احد تصريحاته ” العفى محدش يقدر ياكل لقمته” .. مصر بفضل الله اصبحت دولة عفيه قويه و معاها اخواتها العرب فى الخليج ..بقينا قوة كبرى فى محيطنا الاقليمى و العالمى .. و بعون الله محدش يقدر علينا و لا يقدر يفرض رايه علينا فى اى حاجه .. و اسالوا اوباما و هيلارى كلينتون و هما يقولولكم ..

اترك تعليقاً

لن يتم نشر عنوان بريدك الإلكتروني.