الرئيسية / رياضة / عبدالحفيظ عن إهانة شيكابالا: كل ما اللاعب يرد هيبقى فيه تطاول

عبدالحفيظ عن إهانة شيكابالا: كل ما اللاعب يرد هيبقى فيه تطاول

قال سيد عبدالحفيظ مدير الكرة بالنادي الأهلي، خلال مداخلة هاتفية ببرنامج تليفزيونى: “المباراة كانت فخر للكرة المصرية كلها”.

وتابع: “الصورة لحد الدقيقة 90 كانت شبة مثالية، ومكنش فيه أي مشكلة بين الأجهزة أو اللاعبين، وبعد المباراة كان هناك تصرف فردي وجرى التعامل معاه، ومش عايز أقف عنده علشان لو قيسناها بقيمة الحدث مش هتساوي كتير”.

وأوضح: “ما لاقاه شيكابالا مينعفش يكون شكل التنافس، ومينفعش تزيد عن حد معين، وطالما مفيش سيطرة بتحصل أحداث مش مظبوطة، وحان الوقت إن الناس يكون عندها فكرة ان دي كرة قدم ووارد فيها المكسب والخسارة، والفرقة اللي بتحضر من بدري وعندها العقلية الاحترافية والشخصية القوية هي اللي بيكون ليها مكانة والأفضلية”.

واستطرد: “قناعتي الشخصية أن مهما الجمهور كان منه تجاوز على اللاعب ضبط النفس وعلى المسؤول أيضا، لأنهم في الآخر أمام جماهير، ولما يكون التصرف خارج من مسؤول لازم يكون فيه وقفه، ولكن الجماهير كل ما كان فيه رد فعل من لاعب تجاه جمهور بيكون فيه امتداد وتطاول، وأنا رافض أي تطاول على أي شخص في المنظومة سواء في الفريق أو غيره، وأنا برفض الإهانة والتجريح ومش بقبله لحد تاني”.

واختتم: “مؤمن زكريا واحد من صحابنا واخوتنا وعنده الحاجة اللي بندور عليها في اللاعبين كلهم، وفجأة وبدون مقدمات حدث ذلك، وزي ما كرة القدم فيها تنافس ومشاحنات فيها مواقف الناس بتتجمع حواليها، ومؤمن واحد اتجمع حواليه كل الناس، والصورة دي تعبير مننا ومن الزمالك والاتحاد الأفريقي وكل المنظومة الرياضية لدعم اللاعب، وعندنا عدد من اللاعبين الجدد، مجموعة كبيرة من الأسماء، وهيكون ليهم تواجد في المباريات المقبلة، وعندنا مباراة يوم الثلاثاء مع الاتحاد السكندري، ونعديها بسلام ونفكر في اللي بعدها، والأفراح مستمرة لحد بكرة، وهنقفل شوية علشان عندنا هدف تاني، وجمهور الأهلي دائما بيطالبونا بكل ما هو جديد”.

ووجه كلمة للجمهور الذي يسيئ لأي ناد: “الانتماء شيء عظيم، في المرحلة الأولى البلد، والمرحلة الثانية النادي، بالانتماء والتشجيع والمؤازرة، والجمهور بفطرته منتمي لناديه بشكل كبيبر أوي، وبنساعد بعض على الطاقة الإيجابية، والأفضل لما الأمور كلها تمشي بشكل كويس أوي”.

جديرا بالذكر ان هناك حملات على السوشيال ميديا تطالب ادارة النادى الاهلى بتقديم بلاغات ضد لاعب الزمالك شيكابالا بعد نشره صوره مسيئه لجماهير النادى الاهلى بعد خسارة الزمالك امام الاهلى فى النهائي الافريقى.

2 تعليقان

  1. buy dutasteride sale ondansetron 4mg pill purchase ondansetron

اترك تعليقاً

لن يتم نشر عنوان بريدك الإلكتروني.