الرئيسية / قضايا المجتمع / رحاب تطلب الخلع: “بيطلب منى اصور نفسى صور فاضحة و ابعتهاله وهو في الشغل”

رحاب تطلب الخلع: “بيطلب منى اصور نفسى صور فاضحة و ابعتهاله وهو في الشغل”

“قلقت من ناحية جوزى، إنسان غريب، بمجرد ما يخرج من البيت يصمم أنى أبعت له صور فاضحة و بهدوم خليعة، ولو رفضت يفضل يزعق ويقول لى أنتى بتخلينى أخونك وأروح للحرام، كنت بين نارين خايفة أبعت الصور يعمل حاجة أو يكون بينشرها وبيضحك عليا، وخايفة مبعتش أكون بساعده يروح للحرام، لحد ما اتكلمت معاه ووقتها قلقت أكتر من ناحيته وحسيت أنه مش محل ثقة نهائيا”.. جاءت هذه الكلمات على لسان رحاب وهى داخل محكمة الأسرة لرفع دعوى خلع من زوجها بعد عام فقط من الزواج مبررة استحالة العشرة معه.

وروت الزوجة قصتها : هو يعرفنى من أيام الجامعة معرفة سطحية وحاول يتكلم معايا قبل كدا ورفضت، لحد ما خلصت جامعة وهو كان اشتغل لأنه أكبر منى بـ3 سنين، واتفاجئت أنه اتقدم ليا، ومنكرش أنى كنت معجبة بيه، وعشان كدا وافقت على طول من غير تردد، وأتجوزنا بعد 8 شهور، لكن من يوم ما أتجوزنا حركاته مريبة وطلباته غريبة، طول الوقت اللى بيقضيه بره البيت عايزنى أصور نفسي وابعت له الصور يطلب منى ألبس لبس فاضح وأتصور، كنت بحاول أتهرب لكن مفيش فايدة كان بيصمم على كدا والغريبة أنه بيحتفظ بالصور دى على تليفونه.

وتابعت حديثها: كنت بحس بالرعب ليكون بيستغل صورى فى حاجات مش كويسة، ولو مسحت الصور من وراه يفضل يزعق، ويقول لى “هتخلينى أروح للحرام”، حاولت معاه أقنعنه أنى بخاف من موضوع الصور دا بحجة أن التليفون ممكن يتسرق أو يقع، لكن مافيش فايدة ودى أكتر حاجة أكدت لى أنه بيستغل صورى بشكل مش كويس، عشان كدا قرت فى يوم أنى أمسح كل صورى من على تليفونه وبلغت أهلى ييجو وطلبت الطلاق ولكن رفض وقال لى “خليكى زى البيت الوقف”، ملقتش قدامى غير محكمة الأسرة لرفع دعوى خلع ومازالت الدعوى منظورة أمام القضاء.

اترك تعليقاً

لن يتم نشر عنوان بريدك الإلكتروني.