الرئيسية / قضايا المجتمع / ندى لقاضي الأسرة: “بخيل جدا و ريحته وحشة وبيرفض يستحمى “

ندى لقاضي الأسرة: “بخيل جدا و ريحته وحشة وبيرفض يستحمى “

“من أول ما اتجوزنا وانا مش قادرة أتحمل إهماله وعدم نظافته الشخصية، أنا متهيألى عمره ما فكر يغسل سنانه، حتى الاستحمام ممكن فى الشهر مرة أو مرتين بعد عناء، وكل دا وعمرى ما واجهته بأنى بقرف منه وبتهرب من العلاقة الزوجية بسبب رائحته، لحد ما طفح بي الكيل ومبقتش قادرة أسكت أكتر من كدا واتخانقت معاه وقولت كل اللى فى قلبي، مد ايده عليا أنا وبنتى وساب البيت ومشي، ومعرفش حاجة عنه، وسألت أهله عشان بيكرهونى رفضوا يقول لى حاجة”.. نطقت بهذه الكلمات ندى وهى داخل محكمة الأسرة لرفع دعوى نفقة من زوجها مبررة استحالة العيش معه.

وروت الزوجة قصتها ، موضحة أنها تزوجت منذ عام ونصف فقط وكان زواجا تقليديا، قائلة: “من أول ما اتجوزته مش طايقة العيشة معاه مش نظيف نهائي وأنا عندى وسواس نضافة، كنت بتحرج فى البداية أكلمه وأقوله، لكن كنت بلمّح من بعيد، ولما حملت بسرعة منه مكنش قدامى أى مجال غير انى أسكت عشان الطفلة اللى هتيجى بينا، ومرت الأيام وعدم نظافته زادت وإهماله فى نفسه بقى بشع غير المصاريف اللي فى حدود قليلة جدا، وبخيل جدا.

وتابعت حديثها: لحد ما وضعت بنتى وحصل بيننا خلاف كبير كان سببه فى البداية انى طلبت منه يستحمى عشان الريحة والبنت، وشتمنى وبدأت المشاجرة بيننا وقولت كل اللى فى نفسي، لحد ما  ساب البيت ومشي بقاله شهور حتى الإيجار اتراكم على الشقة، وأهله رفضوا يقولوا هو فين عشان كدا رفعت دعوى نفقة فى محكمة الأسرة ومنتظرة أولى الجلسات.

 

اترك تعليقاً

لن يتم نشر عنوان بريدك الإلكتروني.