نُشر في بواسطة اهم الانباء

هدى تطلب الخلع: “خايفة على نفسي من الفتنة”

“حاولت أحبه أو حتى أتقبله مش قادرة، الجوازة كانت غلط من الأول لما أهلى أجبرونى على أنى أتجوزه، كنت بقنع نفسي أنى هحبه بالعشرة لكن معرفتش، ببقي مبسوطة أوى لما يكون فى شغله،

لحد ما حسيت إن عمري بيضيع وأنا مش عارفه أعيش، طلبت من أهلي أطلق كانوا بيعارضونى لحد ما قررت أني لازم أنفصل خوفا على نفسي من الفتنة” نطقت بهذه الكلمات هدى، وهى داخل محكمة الأسرة لرفع دعوى خلع من زوجها مبررة استحالة العشرة معه.

قالت الزوجة فى مستهل حديثها :سنة كاملة وأنا بحاول أنى أتقبله مش قادرة، حاسة أنى فى جفاء وبعد بيننا، البداية كانت غلط عندما أجبرنى والدى على الزواج منه، ووافقت عشان أرضيهم وأتجوزنا بعد 7 شهور من الخطوبة،

طول فترة الخطوبة بيتعامل معايا عادى ومنكرش أنه كويس ومش بخيل لكن مش عارفه أحبه نهائى فى حاجز بينا، وكل شوية أصبر نفسي أن شعورى هيتغير، وهحبه لكن عدت سنة من الجواز وأنا شعورى زى ما هو.

وتابعت الزوجة حديثها والدموع تتساقط من عينهيا: نفسي أعيش حياة طبيعية مع شخص بحبه، وقررت أن أنهى حياتى معاه رغم اعتراض كل اللى حواليا، لكن مش قادرة أكمل،

وطلبت منه الطلاق، لكن رفض وألح عليا أكمل معاه، لكن أنا إنسانة وخايفة على نفسي من الفتنة أو أحب شخص وأنا متجوزة، عشان كدا رفعت دعوى خلع وأنتظر النظر فى الدعوى، على الرغم من اعتراض والدى اللى قرر يقطع معايا أى كلام.

103 ردود على “هدى تطلب الخلع: “خايفة على نفسي من الفتنة””

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *