نُشر في بواسطة اهم الانباء

ياسر فى دعوى نشوز: “لازم أدفع لها فلوس علشان أمارس حقي الشرعى “

تقدم ياسر بدعوى قضائية أمام محكمة الأسرة لرفع دعوى نشوز ضد زوجته بعد عام ونصف من الزواج مبررا ذلك بقوله “أول الجواز كانت عادى وخجولة ودا كان أكتر حاجة عجبانى فيها لكن بعد شهور قليلة ابتدت تظهر على حقيقتها.

وللأسف بتمشي وراء كلام أمها وصحباتها لدرجة انها قبل ما تحصل بيننا علاقة زوجية تطلب فلوس أو هدية لازم مقابل، كنت فاكر الأول انها مجرد هزار لكن لقيتها فعلا واخداها جد لدرجة انها بقت ترفض آخد حقي الشرعى منها من غير مقابل،

وكأنها مش مراتى وكمان متمردة عليا وبقت تخرج من ورايا، وكل صحباتها مش مريحين نفسيا، ولما اتخانقت معاها عشان تبقى زى الأول غلطت فيا وفى أهلى”.

وقال الزوج فى مستهل حديثه : أنا شوفتها فى فرح قبل كدا، وحسيت انى معجب بيها، وعلى الرغم انى لما سألت عنها قبل الزواج كل الناس قالوا ان أمها صعبة وهى اللى بتمشي أبوها، لكن أنا قولت ماليش دعوة بأمها وأهم حاجة البنت شكلها هادية وطيبة وغير أمها،

لكن كنت مخدوع للأسف اكتشفت انها بتمثل لحد ما اتجوزنا وبعدها بقت نسخة من أمها فى صوتها العالى وتصرفاتها الغير لائقة وتطلب فلوس وهدايا مقابل العلاقة الزوجية وتمنعنى عن حقي لو ما نفذتش اللى بتطلبه،

كنت بسيبها لانى عمرى ما هستخدم الضرب  فى حاجة لانى اتربيت على كدا، لكن هى افتكرته ضعف وقللت منى وبقت تخرج من غير ما تقولى وتصاحب بنات شكلهم مش تمام ولبسهم فاضح.

وتابع حديثه: بدأت الخناقات تزيد بيننا عشان تتغير ومافيش أى نتيجة لحد ما بقيت بكره أبص فى وشها وكانت بتاخد حبوب منع الحمل عشان متخلفش دلوقتى، وبتهددنى بقائمة المنقولات الزوجية لأنى كنت غبي وكنت كاتب مبلغ كبير وأنا اللى جايب كل حاجة فى الشقة،

لحد ما جات فى يوم رجعت متأخرة من بره وكل ما ارن عليها متردش، عشان كدا قررت بعد تفكير طويل انى أرفع عليها دعوى نشوز ومازالت الدعوى منظورة أمام القضاء.

135 ردّ على “ياسر فى دعوى نشوز: “لازم أدفع لها فلوس علشان أمارس حقي الشرعى “”

  115. Hello! I could have sworn I’ve been to this blog before but after browsing through some of the post I realized it’s new to me. Metropol Halı Karaca Halı Öztekin ve Selçuklu Halı Cami Halısı ve Cami Halıları Türkiye’nin En Büyük Cami Halısı Fabrikasıyız…

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *