الرئيسية / قضايا المجتمع / سمر لقاضي الأسرة: “بيقول لي إنتي خام اتفرجي على أفلام خارجة”

سمر لقاضي الأسرة: “بيقول لي إنتي خام اتفرجي على أفلام خارجة”

“من كتر الذنوب والمعاصي اللى عملها قبل الجواز مع الستات فى شقق مفروشة وعلى النت مبقاش حاسس بطعم الحلال، لما اتقدم ليا مكنتش أعرف انه ليه علاقات كتير قبل الجواز، ومن اول ليلة مع بعض وهو يقول لى “إنتي خام مش ممتعة في العلاقة”،

وكأني مش حياة جديدة عليا، مبقتش عارفة أعمل ايه وحاولت على قد ما أقدر لكن للأسف مافيش حاجة عجباه لحد ما عرفت بعلاقاته وكمان هو أتجرأ وجاب ليا أفلام مخلة”

جاءت هذه الكلمات على لسان سمر وهى داخل محكمة الأسرة بشمال الجيزة لرفع دعوى خلع من زوجها بعد 10 شهور فقط من الزواج مبررة استحالة العشرة معه.

وقالت الزوجة في مستهل حديثها مع : لما اتقدم ليا ادعى البراءة وأنه إنسان على خلق ومحترم، وطبعا الكل صدقه من كتر ما هو بيشكر فى نفسه، ولما سالنا عليه فى منطقته قالوا انه شغال فى شركة، وفى حاله ودا شجع والدى انه يوافق على الجواز،

طول فترة الخطوبة كان كلامنا عادى واحيانا بيكون فيه تجاوزات وكنت بصده لانه حرام لحد ما كتبنا الكتاب وبقي يتكلم عادى، وكنت بسمع منه على اساس انى أسعده بعد الجواز، لكن اكتشفت انى عينه فارغة ميسدهاش غير التراب.

من كتر الذنوب والستات اللى كان على علاقة بيهم، من اول يوم الفرح مقدرش خجلى لكن طلب منى اتجرأ معاه، ويقول لى “خام من الناس بس” ، كنت بحاول اتجاوب معاه على اساس انى أعوضه، قبل ما اعرف بعلاقاته السابقة.

وتابعت حديثها قائلة: وبدل ما حياتنا تبقي سعيدة بقت نكد بسببه مافيش اى حاجة عجباه طول اليوم خناق وطول عالى ويتنمر عليا قدام اهله، لحد ما عرفت انه مش مرتاح معايا لانه جرب كل الستات اللى مش كويسة.

لما اخته اتعرفت ليا على اساس انى اساعده ميرجعش تانى، لكن انا للاسف نفسي اتسدت منه وعرفت انه مش عارف يقدر الحلال عشان اتعود على الحرام، وقررت انى اختصره لكن هو زاد الطين بله وبقي ينزلى افلام خارجة وطلب منى اتفرج عليها،

نزل في نظري واتأكدت إنى هدفه من الجواز الغزيزة فقط، وليس الاستقرار وبناء أسرة، لذلك طلبت منه الطلاق ولكن تجاهل طلبي مما جعلنى ارفع دعوى خلع ومازالت الدعوى منظورة أمام القضاء.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *