أحلام تطلب الخلع: عايزنى أدفع ثمن أكلي وباقي المرتب أعطيه لأمه

لم تتخيل أحلام أن زوجها الذى تقدم إليها تزوجها من أجل راتبها فقط، وليس حبا فيها حيث طلب منها بعد الزواج بشهرين أن تشارك بمرتبها فى مصاريف البيت، وظنت أنها ستشارك بجزء قليل.

ولكن بمرور الشهور وقبل عام من الزواج واجهها بالحقيقة وطلب منها أن تدفع النصف فى مصروفات البيت حساب طعامها والباقى تعطيه لحماتها لكى تدخره معها مما جعلها تقف داخل محكمة الأسرة لرفع دعوى خلع من زوجها بعد عام واحد فقط من الزواج مبررة استحالة العشرة معه.

وروت الزوجة قصتها: بعد ما خلصت جامعة جات لى فرصة شغل والحمدلله كان بمرتب كويس وكنت بشتغل لحد ما اتقدم ليا شخص كان كويس بالنسبة ليا وخاصة أنه موظف وكان فى البداية بيمثل انه معجب بيا ونفسه نعيش حياة زوجية مستقرة،

ووافقت على الجواز وطول فترة الخطوبة متكلمش معايا فى مرتبي غير أنه عرف بقبض كام، وبعد الجواز بشهرين لقيته بيطلب منى أنى أشارك بمرتبي فى البيت عشان الظروف صعبه ونشيل قرشين للزمن على الرغم أنى فعلا كنت بشترى حاجاتى الشخصية والباقى ادخله فى مصروف البيت.

وتابعت حديثها قائلة، وبقى يتعصب عليا ويشترط أزاى اصرف مرتبي وكمان بيشترط عليا أدفع تمن أكلى وشربي وبياتى فى الشقة يعنى اشارك بالنص فى كل حاجة

وكمان طالب منى أن باقي المرتب تأخده أمه عشان تحوش معاها لو حملت او احتجت أكشف، وطبعا رفضت كل اللى قاله اتعصب عليا وهجرنى عشان يخلينى اتراجع وانفذ اللى بيطلبه لكن أنا اشتريت كرامتى ورفعت عليه دعوى خلع بمحكمة الأسرة وأنتظر أولى الجلسات.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *