فيفى عبده : كل جوازاتى كانت عرفى ماعدا أول جوازة كانت شرعى

قالت الفنانة فيفى عبده أنها تزوجت 5 مرات وجميع زيجاتها عرفى ماعدا أول جوازة كانت كانت شرعى .

وتابعت الفنانة فيفى عبده فى حوارها مع برنامج “السيرة” تقديم الإعلامية وفاء الكيلانى، والمذاع على قناة DMC قائلة: “أنا اتجوزت 5 مرات فى حياتى وكلهم جوازات كانت عرفى ماعدا أول جوازة كانت شرعى، وكنت صغيرة وقتها ومكنش عاوز يطلقنى، ومن وقتها قلت لازم أتجوز عرفى عشان يبقى الموضوع سهل”.

وأضافت فيفى عبده: “بس لما خلفت بناتى خليت الزواج شرعى، وأول مرة خلفت كان عندى 25 سنة، ويمكن اتجوزت كتير لأن أى ست لما تتطلق ومتبقاش مرتبطة بيطلعوا عليها اشاعات، وأنا كنت بحب أقطع عرق وأسيح دمه وأتجوز على طول”.

وأضافت فيفى عبده: “عمرى ما عملت فرح قبل كده فى كل زيجاتى، لكن فى مرة كنت بصور فيلم اسمه الستات وقلت لمحمد جوزى تعالى ننزل من على السلم فى زفة وكنت مخلفة وقتها هنادى بنتى”.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *