الرئيسية / عالم الفن / ياسمين صبري: “ربنا حبيبي وأنا حبيبته دا يقيني”

ياسمين صبري: “ربنا حبيبي وأنا حبيبته دا يقيني”

تابعت “صبري” خلال لقاء مع أنس بوخش، في برنامج متلفز: “أخاف أزعل ربنا، لأنه كل حاجة في حياتي.. وهو حبيبي وأنا حبيبته دايما بقول كده هو دا يقيني وأنا حرة.. هو سندي وضهري وهو المحامي بتاعي ووكيلي وهو كل حاجة أنا عليها وكل ما بشعر بكده بيديني أكتر.. وربنا قالها (أنا عند حسن ظن عبدي بي)”.

أضافت: “إحنا فاكرين الدنيا اللي بيحركها الأشخاص، نهائي.. أنا بؤمن أن الكون هو المسخر ليا لأن إيماني بيه كده ولا يمكن يخذلني لأنه وعدني، أنا مبخافش غير منه لأن هو اللي في الدنيا واللي اختبرته إلى الآن هو الدنيا”.

قالت الفنانة ياسمين صبري، إنها لو كان أمامها رسالة مكتوب بها تاريخ وفاتها، ستقرر فتحها ومعرفة التاريخ، ولن تخشى القلق أو التوتر لأنها شخصية تستطيع السيطرة على توترها.

تابعت “صبري”: “هفتحها، لأن الدنيا قصيرة قوي.. أنا بقدر كل حاجة حلوة، فدايما بقول لربنا خليني أشوف كل ما هو أجمل اللي عمري ما شوفته ولا حسيته من جمال.. وعندي يقين إن دا اللي هشوفه.. الدنيا أوحش نقطة في الأربع مراحل”.

أضافت: “المراحل هي: (خلق الروح، الحياة، البرزخ، الآخرة).. أقصر وأوحش واحدة مهما كانت حلوة هي الدنيا، أنا أتطلع إلى ما بعد الدنيا.. ومؤمنة أنها هتكون أجمل وأجمل وحاجات لا يمكن تيجي على العقل من جمالها ونورها.

قالت الفنانة ياسمين صبري، إن الإنسان بدون الصحة النفسية يكون محطم، مردفة: “لا هيعرف يبدع ولا يعمل أي حاجة.. هيكون عايش ميت، منتهي أمره.. السلامة النفسية والعقلية هو دا أنت”.

تابعت : “الحمد لله عمري ما مريت باكتئاب، أنا مريت بنوع من أنواع النشوة الروحية فحبيت أزودها.. فأنا بحب الرياضة فقولت أجرب اليوجا كنوع من أناع التهذيب الجسدي.. فآخر 10 دقايق من اليوجا بيبقى في تأمل فاكتشفت إن عندي نوع من أنوع الراحة وفي نفس الوقت في صراع، في حاجة مش سالكة أو تقيلة عليا.. والـ10 دقايق دول بعافر فيهم”.

أردفت: “قولت للمدرسة بتاعتي، فالمُدرسة بتاعتي قالتلي لازم تروحي بالي لمكان متخصص في اليوجا.. وسافرت على طول لأن لما الحاجة بتاخد وقت أنت نفسك بتبوظها، ولما روحت عرفت سعادة أكبر من اللي كنت أعرفها.. أنا مبزهقش لا أشعر أبدا بالملل لأني دايما متصلة بنفسي”.

أكدت أن الإنسان إذا اتصل بنفسه وسامحها على أشياء وتقبلها وقدر نفسه وممتن لها، “لا عمره هيزق ولا يحس أنه محتاج حد يكملني ومش هيحس بنواقص، ممرتش باكتئاب مريت بالعكس بتاعه فحبيت أروح للمزيد.. واخترت أدور على الأفضل لأني بحب نفسي”.

يُذكر أن آخر أعمال ياسمين صبري مسلسل “فرصة تانية”، بطولة أحمد مجدي، أشرف زكي، دياب، محمد أبو داوود، أيتن عامر، محمود البزاوي، هبة عبدالغني، إدوارد، ابتهال الصريطي، ومن إخراج مرقس عادل.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *